हरवले हे रान धुक्यात…
चांदण्या रातीच्या पातळाला झुंजूमुंजूचा पदर
शांत निवांत उगवतीला कवळ्या किरणांची झालर
शांत निवांत उगवतीला कवळ्या किरणांची झालर
आळसलेल्या झाडाच्या वळचणीला किलबिल पाखरांची
चंद्रमौळी झोपड्यांत सुखे ऊबदार साखरझोप लेकरांची
चंद्रमौळी झोपड्यांत सुखे ऊबदार साखरझोप लेकरांची
धुराच्या वेलांट्या उमटल्या गावाकुसातुनी
धुक्याच्या मौनी कागदाला ऊबेचा रंग येई
धुक्याच्या मौनी कागदाला ऊबेचा रंग येई
हरवले हे रान धुक्यात, नदी रेखिली चमकदार
दहिवर रानोरानी, कुठे गवताशी दवाचा रत्नहार
दहिवर रानोरानी, कुठे गवताशी दवाचा रत्नहार
आकाशात किरणे फाकली जणू सोने उधळी
रात्री जपलेली प्रकाशाची दौत उपडी केली नभाळी
रात्री जपलेली प्रकाशाची दौत उपडी केली नभाळी
उधळला सडा प्रकाशफुलांचा क्षितिजावरून
ऊबसुगंधी ओघळे चराचरात पानापानांवरून
ऊबसुगंधी ओघळे चराचरात पानापानांवरून
देवळातून उमटे काकडआरतीचा धूसर गजर
चेतन पावन होई पहिला मंगल प्रहर
चेतन पावन होई पहिला मंगल प्रहर
गोठ्यातली किणकिण आणि दूरवर कोंबड्याची बांग
धन्याच्या शिदोरीसाठी जात्यावरल्या गाण्यांचा संग
धन्याच्या शिदोरीसाठी जात्यावरल्या गाण्यांचा संग
नसे ठावभर रिकामी हिरवी पिवळी सोनशिवारं
काळ्या आईचं दान जणू रातीचं सपान साजरं
काळ्या आईचं दान जणू रातीचं सपान साजरं
सकाळ अवतरली किलकिल्या डोळ्यांनी
मिठीत वेढले सृष्टीला सहस्त्र रेशीमधारांनी
मिठीत वेढले सृष्टीला सहस्त्र रेशीमधारांनी
Awesome! Which place is this?
ReplyDeleteदादा अतिशय सुंदर, शब्दांचा बादशहा
ReplyDeleteGreat delivery. Sound arguments. Keep up the great effort. outlook sign in
ReplyDelete